[{"@context":"https://schema.org","@type":"Article","headline":"驚喜的台式食堂😋","image":["https://video-playback.ulifestyle.com.hk/ul/converts/202607/1043776/20260704/hls/post_detail_1783140435813.m3u8"],"datePublished":"2026-07-04 12:48:09+08:00","url":"/community/detailpost/1957ddeb-a422-45a8-9d8b-1a71f7a743de/香港攻略/驚喜的台式食堂/foodiesheep/1043776","author":{"@type":"Person","name":"foodiesheep","url":"https://www.ulifestyle.com.hk/community/user_profile/1043776/foodiesheep"},"text":"Happy Friday,咁啱同事今晚冇約,我地就膽粗粗去觀塘工廠區探險——原來工廈入面匿埋左勁多隱世食店,今次就揀咗間台式小店｢日月堂｣,點知一試就有驚喜,好好味呀!😋\n\n入到店內,人頭湧湧座無虛席,好彩我地行得快,岩岩好有位坐｡睇到餐牌,忍唔住每樣都想叫黎試下,最後同同事各自點左個主食,再加小食開心Share,配埋兩杯冰凍特飲,夏日晚餐即刻升呢!\n\n🌟牛三寶麵(牛鍵肉､牛筋､牛肋條)\n湯底濃郁,牛腱肉軟腍入味,牛筋Q彈黏咀,牛肋條啖啖肉,三種口感一次過滿足哂,手工麵條仲掛湯力超強,食到最後一啖都唔捨得放低筷子｡\n🌟起司雞排便當\n雞扒炸到金黃酥脆,面頭鋪滿半熔芝士,夾起一舊滿滿芝士拉絲,一咬｢咔嚓｣聲,肉汁爆哂出嚟,配埋半肥瘦滷肉飯,又邪惡又幸福｡\n🌟炸鹽酥雞\n外脆內嫩,九層塔香氣撲鼻,調味岩岩好,如果覺得唔夠味仲可以自行加鹽酥粉,一粒又一粒完全停唔到口｡\n🌟燙青菜\n唔好以為只係一碟簡簡單單既油菜,原來淋上肉燥汁,清爽解膩,完全平衡返成枱肉食｡\n🌟凍鳳梨紅茶+愛玉\n鳳梨甜酸醒神,加埋滑嘟嘟既愛玉,消暑透心涼｡\n🌟凍黑糖珍珠鮮奶\n黑糖掛杯靚到唔捨得攪,珍珠煙韌有咬口,奶味香濃但唔會過甜,手係台式經典之選｡\n\n每道菜份量都勁足秤,我哋兩個由頭食到尾,捧住個肚走,飽到上心口但係笑住講｢下次再嚟掃其他嘢｣!呢種工廈尋寶嘅驚喜,真係比商場連鎖店更有溫度,強烈推薦俾鍾意台灣味嘅朋友!🥤🍜\n\n📍 日月堂 (觀塘)\n觀塘興業街14號永興工業大廈4樓C2室\n\n#激玩水上樂園 #打卡美食 #hkfoodie\n\n#香港探店 #香港美食 #我的美食日記 "},{"@context":"https://schema.org","@type":"DiscussionForumPosting","headline":"驚喜的台式食堂😋","image":["https://video-playback.ulifestyle.com.hk/ul/converts/202607/1043776/20260704/hls/post_detail_1783140435813.m3u8"],"datePublished":"2026-07-04 12:48:09+08:00","url":"/community/detailpost/1957ddeb-a422-45a8-9d8b-1a71f7a743de/香港攻略/驚喜的台式食堂/foodiesheep/1043776","author":{"@type":"Person","name":"foodiesheep","url":"https://www.ulifestyle.com.hk/community/user_profile/1043776/foodiesheep"},"text":"Happy Friday,咁啱同事今晚冇約,我地就膽粗粗去觀塘工廠區探險——原來工廈入面匿埋左勁多隱世食店,今次就揀咗間台式小店｢日月堂｣,點知一試就有驚喜,好好味呀!😋\n\n入到店內,人頭湧湧座無虛席,好彩我地行得快,岩岩好有位坐｡睇到餐牌,忍唔住每樣都想叫黎試下,最後同同事各自點左個主食,再加小食開心Share,配埋兩杯冰凍特飲,夏日晚餐即刻升呢!\n\n🌟牛三寶麵(牛鍵肉､牛筋､牛肋條)\n湯底濃郁,牛腱肉軟腍入味,牛筋Q彈黏咀,牛肋條啖啖肉,三種口感一次過滿足哂,手工麵條仲掛湯力超強,食到最後一啖都唔捨得放低筷子｡\n🌟起司雞排便當\n雞扒炸到金黃酥脆,面頭鋪滿半熔芝士,夾起一舊滿滿芝士拉絲,一咬｢咔嚓｣聲,肉汁爆哂出嚟,配埋半肥瘦滷肉飯,又邪惡又幸福｡\n🌟炸鹽酥雞\n外脆內嫩,九層塔香氣撲鼻,調味岩岩好,如果覺得唔夠味仲可以自行加鹽酥粉,一粒又一粒完全停唔到口｡\n🌟燙青菜\n唔好以為只係一碟簡簡單單既油菜,原來淋上肉燥汁,清爽解膩,完全平衡返成枱肉食｡\n🌟凍鳳梨紅茶+愛玉\n鳳梨甜酸醒神,加埋滑嘟嘟既愛玉,消暑透心涼｡\n🌟凍黑糖珍珠鮮奶\n黑糖掛杯靚到唔捨得攪,珍珠煙韌有咬口,奶味香濃但唔會過甜,手係台式經典之選｡\n\n每道菜份量都勁足秤,我哋兩個由頭食到尾,捧住個肚走,飽到上心口但係笑住講｢下次再嚟掃其他嘢｣!呢種工廈尋寶嘅驚喜,真係比商場連鎖店更有溫度,強烈推薦俾鍾意台灣味嘅朋友!🥤🍜\n\n📍 日月堂 (觀塘)\n觀塘興業街14號永興工業大廈4樓C2室\n\n#激玩水上樂園 #打卡美食 #hkfoodie\n\n#香港探店 #香港美食 #我的美食日記 "},{"@context":"https://schema.org","@type":"ImageObject","contentUrl":"https://video-playback.ulifestyle.com.hk/ul/converts/202607/1043776/20260704/hls/post_detail_1783140435813.m3u8","creator":{"@type":"Person","name":"foodiesheep"}}]