🌸招牌脆米炒飯🌸

🧡💚❤️ 夠鑊氣夠貼地🔥 紅磡有好多好多打卡café,想食啲貼地飽肚嘅嘢都有啲難搵到🫣明安街依度就新開咗間café,講就講係café,不過依間係冰室🤭價錢親民,份量大大份🤤飽肚又滿足! ❤️369招牌脆米炒飯❤️ 聽店員講依個炒飯係得獎炒飯,必食㗎!雖然冇問係咩獎,但淨聽個名都覺得好特別🤤加入脆卜卜嘅口感,與別不同!上菜嘅時候真係有啲嚇親,份量十足😍除咗有主角脆米,仲有大量元貝､肉肉,每啖都有滿滿配料!脆米口感卜卜脆,米飯炒得金黃粒粒分明!啖啖滿足,啖啖幸福💕 💚369招牌小炒王💚 依家除咗大排檔,得返好少地方有小炒王食🥹見到有得嗌小炒王,真係有啲興奮!小炒王一定要夠鑊氣!聽到廚房有｢逢逢聲｣就放心啦!😌依個小炒王有大量韭菜､腰果､肉絲､魚乾,仲有魷魚､蝦乾添!可以講係誠意滿分嘅小炒王😝口感豐富,仲有腰果嘅果香 海鮮嘅鮮味! 💛金沙蝦球魷魚💛 金沙乜乜真係又邪惡又誘人🥰,金沙將炸蝦球同炸魷魚完美包裹住,鹹蛋黃香味噴鼻!即叫即炸嘅炸蝦球同埋炸魷魚咬落酥脆誘人,炸魷魚仲有juicy嘅感覺🦑底部有啲脆脆混雜住鹹蛋黃碎碎,食到一半如果唔係屋企人阻止我🫠,我真係會全部扒晒入口😂 💙凍芒果多多💙 依杯係餐廳嘅芒果味特飲🥭,加入咗乳酸飲品,入口酸甜好好味! 🧡凍檸蜜🧡 檸蜜檸味甜度都足夠,飲落去發現底部仲有口感物😛好似係蘆薈粒粒! 餐廳嘅環境唔算好大,不過卡位足夠😆座位同座位之間都算寬敞,店員都好熱情😙會介紹下菜式又會問下味道(可能因為係新餐廳,想聽多啲意見),以新餐廳嚟講真係唔錯!見佢仲有其他餐點,下次食埋先!BTW記得save post,方便向店員查詢有關餐點啦❣️ 📍369冰室 📍紅磡明安街25號地舖 #香港美食#九龍美食#港島美食#香港隱世美食#大排檔#新界美食#香港地道美食#UCreatorHK#BESTFOODwithUCreator#求好旅友#以油養膚#時尚美妝企劃#寵物大晒#解決危肌#想飛賞飛