🌟餐廳:火鍋隨意門

放假最好既節目就係約埋朋友仔出銅鑼灣,輕輕鬆鬆咁行吓街,嘆返個early dinner先返屋企! 一於就去「火鍋隨意門」歎返個養生又滋補既火鍋先~ 餐廳裝修創意十足,牆身及陳設用左唔同國家既風景做主題,充滿異國風情~ ——————————————————— 🔹特色火鍋醬料九宮格 一坐低店員就送上一個特色火鍋醬料九宮格,各款醬料及前菜,如涼伴麻辣青瓜、蒜油、蒜蓉、炸蒜,芝麻粒,辣椒粒,蔥花及芫茜等等,好企理咁擺放,夠哂方便~ ——————————————————— 🔹招牌花膠雞湯鍋 黎到呢度,當然叫佢哋呢個招牌湯底先,夠晒養生,而且牌場十足~ 除左新鮮嫩滑既雞件之外,上層仲鋪左塊巨型大花膠,厚身之餘仲白雪雪,勁豪華! 店員會即場協助剪開花膠,我地一於先歎返兩碗濃濃既雞湯滋補一下先,再慢慢打邊爐~ ——————————————————— 🔹手切頂級安格斯牛肉 呢款手切頂級安格斯牛肉擺盤夠精緻~ 牛肉既油脂雪花均勻,厚度適中,食落牛肉味亦相當濃郁,大推! ——————————————————— 🔹餃子拼盤 🔹鳳尾鮮蝦餃 🔹新鮮菜苗帶子餃 🔹韭菜豬肉餃 🔹黑松露蟹肉餃 🔹蟹皇豚肉餃 餃子由餐廳自家包制,用料豐富又新鮮,而且大大隻夠哂飽滿,份量十足~ 我地最鍾意 足料鳳尾鮮蝦餃餃 以及 蟹皇豚肉餃~ 鳳尾鮮蝦餃既蝦肉爽勁十足,大大隻鮮味一流~ 蟹皇豚肉餃外型橙紅色,夠搶眼,咬開蟹黃油香味濃,夠哂創意~ ——————————————————— 🔹特盛蔬菜拼盤 猶如大大盤既盆栽,各式蔬菜應有盡有~ 有齊油麥菜,生菜,娃娃菜,木耳,白蘿蔔,南瓜,厚切蕃茄及金菇,超豐富~ 我就最鍾意食油麥菜及娃娃菜,索哂濃郁既雞湯精華,食落超滋味~ ——————————————————— 🔹新鮮竹笙 打邊爐我必點竹笙~ 呢度既竹笙新鮮爽脆又夠哂粗身,咬落索索聲,又索哂香濃既雞汁,超正! ——————————————————— 🔹足料竹蔗茅根 足料竹蔗茅根水賣相好有創意,以地球既擺設盛載,同餐廳既主題好match~ 竹蔗茅根水夠哂冰凍,清熱又降火,打邊爐歎返幾杯超滿足~

地址
冠景樓
香港灣仔堅拿道西10號冠景樓
評分
4/5
下一篇載入中