澳門 2024/06/11

澳門🇲🇴三碗地道粉麵

今次去澳門去左三間粉麵店,三間都有驚喜𓆫要多謝當地人對男友嘅推介,先可以食到咁地道嘅口味! 「新肥仔記」嘅咖喱薯仔麵係飲完第一啖湯頭後,會忍唔住一直飲,飲到唔記得食啲餸,咖喱湯底好重香料味好濃郁,可以揀辣度(個人覺得小辣已經好夠),夾雜少少蕃茄同洋蔥清新鮮甜嘅味道,香辣得黎唔會飲到好膩,幼麵爽口掛湯,今次試左牛腩同雞翼,牛腩正常發揮,雞翼外層甜甜地帶滷水味,但係呢碗麵嘅主角其實係薯仔呀(●°u°●)​ 」薯仔入口即溶,吸收晒湯頭精華,呢碗咖喱麵榮升心目中在澳𝙘𝙤𝙢𝙛𝙤𝙧𝙩 𝙛𝙤𝙤𝙙 ♡ 不過要留意店家只開到中午一點左右,如果想去就要預好時間喇! 𓄢新肥仔記 澳門南灣風順堂街14號 ✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦ 𓄀金樂麵家嘅牛肉米𓂅牛肉無過多調味同鬆肉處理 ,完全就係食牛肉最原始嘅味道同質感,牛肉唔會過熟,中間仲帶鮮嫩,牛肉味濃中帶鮮甜,口感有嚼勁,個湯底都好清甜,如果食得辣可以點埋佢嘅嘅辣椒油,鹹中帶辣都幾香架! 𓄢金樂麵家 澳門祐漢祐漢新村第一街58號 ✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦ 𓆜𓆝雅馨嘅緬甸魚湯粉相比之前談及嘅兩間麵家更加廣為人知,湯底以魚茸、香茅、羌為主,質感好濃稠,河粉比一般見嘅河粉更幼更滑,以致每啖都好掛到湯底好順喉,面頭嘅薄脆馬豆餅可以話係錦上添花令口感層次提升 𓄢雅馨緬甸餐廳 新橋(三盞燈/白鴿巢)飛能便度街27號地下F號舖

平均消費
HK$40
地址
澳門
澳門
評分
5/5
想去❤️
下一篇載入中