世一斑斕綠豆糕✨ 香滑綠豆蓉，甜度適中❤️

Q1第一群由深水埗搬咗去油麻地後，一直都未有機會去試吓～趁今日去開附近做嘢，一於帶埋個同事去試吓先！ 🔹蟹膏蕃茄湯檬 大大碗擺盤相當吸引，湯底加入蕃茄鮮蟹煮製而成，味道特別鮮甜又開胃～主角蟹膏餅味道香濃，索滿湯汁更加惹味！扎肉彈牙，另有豬紅、豆卜、香菜、芽菜、生菜等等，真係超級豐富！ 🔹鴨蛋炆豬肉飯 鴨蛋夠晒入味，蛋黃鬆軟充滿蛋香～炆豬肉肉質軟腍鬆化，送飯一流！ 🔹米紙蝦卷 特別用上蕉葉包裹米紙蝦卷，有助保持濕潤感。沾以花生醬、蘿白、麵豉醬等調配而成既秘製醬汁，香濃又惹味。 🔹越式法包 法包烘得香脆煙韌，包裹著扎肉、酸蘿蔔、青瓜、芫荽等配料，啖啖爽脆清新。 🔹越南香茅雞翼 外皮炸至金黃香脆，咬開雞肉鮮嫩可口，用越南魚露、香茅等醃製，啖啖越式風味，惹味又香口。 🔹斑斕綠豆糕 超人氣甜品，好多時去到夜晚已經賣晒，好彩我哋今日中午一早過嚟仲有得食！綠豆糕充滿斑斕香氣，一共三層，需要分開三次蒸，絕對係手工心機作！特別鍾意香滑綠豆蓉，甜度適中，斑斕綠豆糕整體口感煙煙韌韌，的確出色。 🔹芒果糯米卷 如手掌般大嘅糯米糍相當吸睛，糯米皮濕軟有嚼勁，包住香甜芒果肉，每啖都好滿足。 🔹滴滴咖啡 色濃味苦嘅黑咖啡再加入煉奶，有助中和咖啡苦味，令咖啡味道更加平衡。 🔹牛油果沙冰 沙冰打得幼滑、味道香濃，飲落好似奶昔咁，濃濃牛油果味。 #UCreator#打卡美食#隱世打卡點#好去處#chill