[{"@context":"https://schema.org","@type":"Article","headline":"$1000住上環酒店套房！煮飯仔體驗溫馨偽同居生活🛋️","image":["https://video-playback.ulifestyle.com.hk/ul/converts/202605/1028041/20260525/hls/post_detail_1779716753373.m3u8"],"datePublished":"2026-05-25 21:46:02+08:00","url":"/community/detailpost/1209a7fc-cf3c-4c22-89a1-4f06ed324211/香港攻略/1000住上環酒店套/HK-Hotel-Spy/1028041","author":{"@type":"Person","name":"HK Hotel Spy","url":"https://www.ulifestyle.com.hk/community/user_profile/1028041/HK-Hotel-Spy"},"text":"放假周街都係人,我哋唔想同人逼,決定搵間有廚房嘅酒店煮吓飯仔,主打一個偽同居感覺🤣見到上環The Jervois只係$1000,之前住過貴多幾百都覺得好正,今次見到平咗即刻encore!\n\n呢度全部都係套房,一層兩戶,中間隔咗個防火梯,房間非常寧靜｡間屋有齊客廳同廚房,煮食煲､餐具､微波爐､飲水機全部齊備,就差調味料要自己帶｡最爽係煮完嘢食唔洗好似平時係酒店房迫喺張細枱仔度,呢度有張正式嘅餐枱畀我哋慢慢歎,食飽又可以攤係梳化,開個Smart TV搵套戲睇🛋️成個空間由落地大玻璃貫通,雖然望出去只係對面樓景,但嗰種空間感同兩個人夾手夾腳煮飯仔嘅生活感,真係令人想一直住落去｡\n\n入到睡房,張床唔算特別大,但真係好舒服!無論床褥承托度定床單柔軟度都令人瞓得好冧,好想帶埋張床走🥹可惜睡房冇電視,我哋本身好鍾意喺床度睇戲,唯有自己帶iPad｡\n\n廁所牙膏牙刷齊全,光線充足,風筒風力都好強勁,第二朝化妝整頭順暢到不得了,真係令人心情大好!不過男朋友就好嫌棄啲毛巾,佢連續用兩條都有穿窿😂我自己帶毛巾就冇咩所謂,但佢堅持我一定要寫呢樣嘢出嚟🤣\n\n睇到呢度都知我對呢間酒店非常滿意,設備齊全,用料靚,空間感十足,好有家的感覺👩🏻‍❤️‍👨🏻下次再見到價錢去到$1000,應該會繼續encore!\n#偽同居體驗 #酒店煮飯仔 #香港酒店 #拍拖好去處 #香港情侶 #上環 #夢幻聚會好去處 "},{"@context":"https://schema.org","@type":"DiscussionForumPosting","headline":"$1000住上環酒店套房！煮飯仔體驗溫馨偽同居生活🛋️","image":["https://video-playback.ulifestyle.com.hk/ul/converts/202605/1028041/20260525/hls/post_detail_1779716753373.m3u8"],"datePublished":"2026-05-25 21:46:02+08:00","url":"/community/detailpost/1209a7fc-cf3c-4c22-89a1-4f06ed324211/香港攻略/1000住上環酒店套/HK-Hotel-Spy/1028041","author":{"@type":"Person","name":"HK Hotel Spy","url":"https://www.ulifestyle.com.hk/community/user_profile/1028041/HK-Hotel-Spy"},"text":"放假周街都係人,我哋唔想同人逼,決定搵間有廚房嘅酒店煮吓飯仔,主打一個偽同居感覺🤣見到上環The Jervois只係$1000,之前住過貴多幾百都覺得好正,今次見到平咗即刻encore!\n\n呢度全部都係套房,一層兩戶,中間隔咗個防火梯,房間非常寧靜｡間屋有齊客廳同廚房,煮食煲､餐具､微波爐､飲水機全部齊備,就差調味料要自己帶｡最爽係煮完嘢食唔洗好似平時係酒店房迫喺張細枱仔度,呢度有張正式嘅餐枱畀我哋慢慢歎,食飽又可以攤係梳化,開個Smart TV搵套戲睇🛋️成個空間由落地大玻璃貫通,雖然望出去只係對面樓景,但嗰種空間感同兩個人夾手夾腳煮飯仔嘅生活感,真係令人想一直住落去｡\n\n入到睡房,張床唔算特別大,但真係好舒服!無論床褥承托度定床單柔軟度都令人瞓得好冧,好想帶埋張床走🥹可惜睡房冇電視,我哋本身好鍾意喺床度睇戲,唯有自己帶iPad｡\n\n廁所牙膏牙刷齊全,光線充足,風筒風力都好強勁,第二朝化妝整頭順暢到不得了,真係令人心情大好!不過男朋友就好嫌棄啲毛巾,佢連續用兩條都有穿窿😂我自己帶毛巾就冇咩所謂,但佢堅持我一定要寫呢樣嘢出嚟🤣\n\n睇到呢度都知我對呢間酒店非常滿意,設備齊全,用料靚,空間感十足,好有家的感覺👩🏻‍❤️‍👨🏻下次再見到價錢去到$1000,應該會繼續encore!\n#偽同居體驗 #酒店煮飯仔 #香港酒店 #拍拖好去處 #香港情侶 #上環 #夢幻聚會好去處 "},{"@context":"https://schema.org","@type":"ImageObject","contentUrl":"https://video-playback.ulifestyle.com.hk/ul/converts/202605/1028041/20260525/hls/post_detail_1779716753373.m3u8","creator":{"@type":"Person","name":"HK Hotel Spy"}}]