喺金田井買零食，埋單時我show會員咭，個收銀職員話唔用，又唔講多句，令人以為佢唔做！後來見佢旁邊有張告示話由依家起開始停用會員咭，啲貨品會直接做平啲咁，嚇得我吖，因為呢度都多啲外來零食同飲品（包括酒！）而且賣得幾平，如果佢唔做我會傷心。 返嚟食咗呢包蝦條就唔傷心了因為好食！打開包裝就聞見梅嘅香氣，每條都均勻地有梅粉，見到紅色點點，食完又唔會感到過份酸而乸喉咁。 我唔識睇日文吖，佢包裝係咪話有可能食到塊梅花形狀嘅粉紅蝦條（定係蝦片？），但我吔晒成包都冇。
