旺角吃到飽飽任食台灣養生火鍋

天氣咁凍一於又約埋朋友打邊爐。今次我地就黎到旺角既馬祖無限時台灣養生涮涮鍋。餐廳好光猛又闊落，坐位舒適。睇睇餐牌有4種唔同價錢既吃到飽套餐選擇，730pm之前離座或9pm之後入座仲有8折或85折優惠，勁抵呀。 我同朋友今次就食 極上prime grade 霜降牛小排吃到飽套餐。 湯底方面我地選左藥膳椰子雞涮涮鍋。湯底白雪雪，十分足料，滾起之後可以飲啖湯先，椰子香味十分濃郁。雞件大大件食落好滑嫩。之後就可以QR code落單叫肉同其他火鍋配料喇。 必食既當然就係宜度最靚既極上prime grade 霜降牛小排啦。塊塊肉都充滿雪花，脂肪分布平均。淥一淥食落去肉質十分軟稔。極級prime grade安格斯牛頸脊都十分好味，脂肪比較少，食落質感冇咁滑但牛味比較香濃，我地宜2款牛肉都不停encore。 除左牛肉，宜度既西班牙伊比利亞黑毛豬都相當好食。肥瘦均勻，食落好有滑溜口感唔油膩。 其他配料種類都非常多，海鮮當然就唔少得，仲有日日唔同既當日精選海鮮。我地就食左花膠片，帶子，魚柳，蟶子同蜆，海鮮都好新鮮。響鈴卷十分香脆，幾款手工丸都好特別，唔單只彈牙仲有幾款例如牛丸同貢丸係有餡既食落爆哂汁。 飲品我地都試左幾款餐廳既自家製款式，最鐘意黑糖冬瓜檸檬茶。食飽飽最後當然唔少得一人一杯雪糕做甜品啦！ 。 。 馬祖無限時台灣養生涮涮鍋 旺角彌敦道628號瓊華中心11樓 。 。