芝士控🧀必去尖沙咀墨西哥菜bar🍻

🌸8Five2 Restobar🌸 地點：尖沙咀天文臺道8號地下2號舖 近排食得太多中‧西‧日‧韓‧泰‧越式菜好悶，今日就同大家轉下口味—墨西哥菜，Nachos就食得多，但全墨西哥菜都係第一次，今次就同大家試下啦 🌺 食物︰3.6/5 環境：🌕🌕🌕🌗/5 (bar+restaurant 但以bar為主，8點半後Night Hour會熄燈更有氣氛) 👉🏻玉米芝士炸丸子 ($85) Corn Cheese Croquette, Bloody Mary Relish <芝士控必食> 黃金香脆的表面切開係橙黃色熔岩．流心．拉絲芝士，一人一個個proportion就最好，再多就會有d膩，但係真係好好味 (特別係夾埋中間酸酸辣辣的醬汁特別開胃) 👉🏻吞拿魚伴厄瓜多爾醬 ($118) <打卡必叫> 用一個充滿煙燻的玻璃瓶裝住，拿起個feel 好夢幻之餘又令菜式充滿木香，非常特別 菜式本身有d似tuna他他伴以泰式的酸辣汁再配上少少重慶的麻，辣得來有層次同最有質感，份量亦不小 👉🏻豬肉辣醬玉米餡餅 ($138) Pulled Porked Enchiladas 簡單來講就係 ”蕃茄芝士千層麵” 的餡餅版，味道又食唔到nachos本來的脆口又多汁，淋曬的nachos加上裡面的豬肉絲及墨西哥甜辣椒就好似...一pat野，唔係唔好食但下次唔會再選佢 👉🏻墨西哥烤雞半隻 ($168) Mexican Roast Chicken (half) 最後的一道菜，本晚的總結係「墨西哥菜=辣」，除左第一個炸芝士外，其他都係不同程序的辣，如果唔食得辣真係唔好亂試 炸雞整體偏乾 (雞脾位都乾)，最好食反而係配搭的脆糯的鍋巴飯同鱗甜的翠玉瓜串燒，btw如果你想試下自己食得幾辣可以試下食e個泡菜，小編辣到眼淚都出埋 👉🏻 Big Bang ($88) Mango.Passion Fruit. Pineapple 👉🏻G.O.T ($88) Raspberry.Lemonade #生活足跡