UFUFU

又係喺返TOWER 535，食咗early dinner，呢度都好多嘢食，大多數係我深愛嘅日式洋食，我哋叫咗margarita pizza，芝士煙肉茄子茄汁意粉同埋炸雞，方便分食。甜品！佢啲french toast或者芭菲係必嗌嘅。唔係單只for影相，佢真係好味同層次豐富嘅。我自己嗌嗰個係栗子芭菲嚟嘅，不過其實可以再多啲栗蓉但可能佢驚太厚啦，cream同雪糕下面仲內藏一啲抹茶嘅啫哩，一啲都唔漏，好爽。我見人哋隔離枱叫嗰啲嘢食都好正呀西冷牛扒、漢堡扒蛋包飯、壽喜燒牛肉烏冬等等都好正，但我當時太飽喇，希望下次嚟又叫吓唔同嘅嘢食試吓啦。