[{"@context":"https://schema.org","@type":"Article","headline":"啟德隱世彩虹樂園！🌈好多新嘢玩🤩","image":["https://video-playback.ulifestyle.com.hk/ul/converts/202601/278005/20260111/hls/post_detail_1768146853369.m3u8"],"datePublished":"2026-01-11 23:55:19+08:00","url":"/community/detailpost/0d001488-48bd-4b3d-bb10-a9b0b4e1a937/親子/啟德隱世彩虹樂園！🌈好多新嘢玩🤩/hohoyan/278005","author":{"@type":"Person","name":"hohoyan","url":"https://www.ulifestyle.com.hk/community/user_profile/278005/hohoyan"},"text":"今日同姨甥女去啟德Sogo逛街，點知俾我哋發現咗個隱世好去處🤩👉原來Sogo後面條天橋一直行落到尾，就直通新蒲崗嘅 🛑 東啟德公園「彩虹樂園」！嘩，真係估佢唔到，一個唔算好大嘅公園，竟然收藏咗幾款超罕有🤩、好玩到爆嘅遊樂設施，大人細路都啱玩👏👏\n\n呢個「彩虹樂園」嘅設計真係有心思😍，唔似一般公園咁一式一樣嘅組合遊樂架，反而係以「遊樂體驗」做主軸，劃分成四大區域：⭐森林歷奇、⭐叢林探索、⭐旋轉綠地同⭐健體園地，每區都有特色，玩足半日都唔會悶！💯\n一入到去，我同姨甥女就眼都瞪大👀咗\n♦️人力滾筒（6歲+）真係勁少見！踏上去自己用力滾，刺激得嚟又好考平衡力，小朋友一玩就上癮，仲會偷偷鬥快㖭！\n♦️跟住仲有三款唔同形狀嘅彈床（3歲+），圓嘅、方嘅、大嘅，任跳任彈，練手腳協調一流，小朋友跳到唔願走～\n其他必玩設施：\n♦️🌀 旋轉吊椅（5-15歲）✴️轉住盪，風迎面吹，爽！\n♦️🧗 攀爬小山丘連隧道（2歲+）✴️可以爬上去、瀡滑梯、捐隧道，訓練身手靈活度。\n♦️🔄 友誼氹氹轉（4-12歲）✴️懷舊感滿分，似足細個玩開嘅團團轉，大人細路一齊轉，笑聲不斷！\n♦️🌈 幻變轉盤（0歲+）✴️圖案轉到眼花，真係會轉到頭暈暈，但好過癮㗎🤣\n\n🛑講真，呢度雖然唔算巨型，但照顧到0歲到大人嘅需要，連最細嘅BB都有得玩，真心難得！而且公園設計好貼心，每個區域都有清晰圖文指示牌📑📋，列明適合年齡同玩法，唔使盲摸摸。其中一個出入口仲設有洗手裝置🚰，玩完即刻可以洗洗手，好衛生。\n\n🛑公園其他設施都一應俱全：寵物公園、緩跑徑、健身園地、卵石路步行徑、社區園圃，街坊來散步、放狗、做運動都得👍\n\n📍 地址：新蒲崗四美街（采頤花園附近）\n🚇 交通：港鐵鑽石山站B出口行約8分鐘；亦有多條巴士同小巴路線到達。\n#食飽過馬年 #OK即刻有 #UCreatorHK #親子好去處 #親子旅遊 #公園 #親子活動 #hohoyan "},{"@context":"https://schema.org","@type":"DiscussionForumPosting","headline":"啟德隱世彩虹樂園！🌈好多新嘢玩🤩","image":["https://video-playback.ulifestyle.com.hk/ul/converts/202601/278005/20260111/hls/post_detail_1768146853369.m3u8"],"datePublished":"2026-01-11 23:55:19+08:00","url":"/community/detailpost/0d001488-48bd-4b3d-bb10-a9b0b4e1a937/親子/啟德隱世彩虹樂園！🌈好多新嘢玩🤩/hohoyan/278005","author":{"@type":"Person","name":"hohoyan","url":"https://www.ulifestyle.com.hk/community/user_profile/278005/hohoyan"},"text":"今日同姨甥女去啟德Sogo逛街，點知俾我哋發現咗個隱世好去處🤩👉原來Sogo後面條天橋一直行落到尾，就直通新蒲崗嘅 🛑 東啟德公園「彩虹樂園」！嘩，真係估佢唔到，一個唔算好大嘅公園，竟然收藏咗幾款超罕有🤩、好玩到爆嘅遊樂設施，大人細路都啱玩👏👏\n\n呢個「彩虹樂園」嘅設計真係有心思😍，唔似一般公園咁一式一樣嘅組合遊樂架，反而係以「遊樂體驗」做主軸，劃分成四大區域：⭐森林歷奇、⭐叢林探索、⭐旋轉綠地同⭐健體園地，每區都有特色，玩足半日都唔會悶！💯\n一入到去，我同姨甥女就眼都瞪大👀咗\n♦️人力滾筒（6歲+）真係勁少見！踏上去自己用力滾，刺激得嚟又好考平衡力，小朋友一玩就上癮，仲會偷偷鬥快㖭！\n♦️跟住仲有三款唔同形狀嘅彈床（3歲+），圓嘅、方嘅、大嘅，任跳任彈，練手腳協調一流，小朋友跳到唔願走～\n其他必玩設施：\n♦️🌀 旋轉吊椅（5-15歲）✴️轉住盪，風迎面吹，爽！\n♦️🧗 攀爬小山丘連隧道（2歲+）✴️可以爬上去、瀡滑梯、捐隧道，訓練身手靈活度。\n♦️🔄 友誼氹氹轉（4-12歲）✴️懷舊感滿分，似足細個玩開嘅團團轉，大人細路一齊轉，笑聲不斷！\n♦️🌈 幻變轉盤（0歲+）✴️圖案轉到眼花，真係會轉到頭暈暈，但好過癮㗎🤣\n\n🛑講真，呢度雖然唔算巨型，但照顧到0歲到大人嘅需要，連最細嘅BB都有得玩，真心難得！而且公園設計好貼心，每個區域都有清晰圖文指示牌📑📋，列明適合年齡同玩法，唔使盲摸摸。其中一個出入口仲設有洗手裝置🚰，玩完即刻可以洗洗手，好衛生。\n\n🛑公園其他設施都一應俱全：寵物公園、緩跑徑、健身園地、卵石路步行徑、社區園圃，街坊來散步、放狗、做運動都得👍\n\n📍 地址：新蒲崗四美街（采頤花園附近）\n🚇 交通：港鐵鑽石山站B出口行約8分鐘；亦有多條巴士同小巴路線到達。\n#食飽過馬年 #OK即刻有 #UCreatorHK #親子好去處 #親子旅遊 #公園 #親子活動 #hohoyan "},{"@context":"https://schema.org","@type":"ImageObject","contentUrl":"https://video-playback.ulifestyle.com.hk/ul/converts/202601/278005/20260111/hls/post_detail_1768146853369.m3u8","creator":{"@type":"Person","name":"hohoyan"}}]