2024/02/02

抵食威靈頓牛

平時都好鐘意喺香港食西餐🍽️今次嚟到深圳都試吓係咪都有質素先,呢晶餐廳係羅湖搭到大劇院站直到,呢一間餐廳都有幾多位置,裝修個環境都好靚🔮重點係接近香港嘅價錢一般,超有性價比💰今日試節日期間限定Menu(¥268/pp) 牛肉芝士餅拼蟹籽沙律🥗 類似牛肉芝士嘅迷你Pizza,暖暖哋唔錯嘅小食,青瓜蟹籽沙律有好多沙律醬,比較似日式沙律嘅味道,都好食👍🏻 藜麥蝦仁蔬菜湯🥣 湯嘅質地好濃稠,超多材料,有藜麥同蝦仁🦐,飲咗個湯都好飽 威靈頓牛🐮 今日嘅主角威靈頓牛,賣相超級之靚,呢個係一人份量都已經好大份,酥皮做得好出色🫰🏻就算擺耐咗依然好酥脆,牛肉做到五成熟,啱啱好,一啖食晒酥皮牛肉同蘑菇菌醬,超級滋味☺️ 松露奶油鮮魷菌菇飯🍄 比較濕潤,但係有好香嘅奶油同松露香味,令人一啖接一啖係咁食🥰 提拉米蘇☕️ 本身係香橙蛋糕,但賣晒轉左提拉米蘇,超級好食,質地好軟滑,有可可同芝士香🍫🧀最香係蛋糕嘅酒香,味道恰到好處又唔會過份濕潤,大愛❤️❤️❤️ 📍 拾号牛扒(KK MALL店) 桂园街道深南东路KKMALL四楼417 #深圳攻略#深圳打卡#深圳新店#想去就去

評分
5/5
👌
👍🏻
下一篇載入中