其實疫情前已經去開日本都好中意搵啲祭典去下，但因為疫情關係好多都停辦左幾年。 今次再去日本，又搵下有咩祭典，比較常見係夏祭同秋祭。 好好彩，係千葉縣嘅佐原市第一年復辦夏祭。（往年日程：7月10日之後嘅星期五、六、日舉辦，由上午10點至晚上10點） 呢個祭典會有大約10台車由多人去抬住係指定地點巡遊。 另外附近嘅神社都有好多小食/遊戲攤位，好熱鬧。
