日本京都8大賞櫻熱點🌸附輕鬆一日遊路線😍免費為主✨建議收藏

就嚟到櫻花滿開嘅時間啦！🌸😍今次為大家準備咗京都嘅賞花熱點比大家筆記筆記😏最後仲有輕鬆一日遊路線！有興趣記住睇到最後～ 1. 蹴上傾斜鐵道 蹴上碼頭同南禪寺碼頭之間有一條全長約582米嘅傾斜鐵道，興建時係世界上最長嘅傾斜鐵道之一🤩佢利用同纜車相同嘅原理，克服咗約36米嘅高低落差，無需卸貨就能運貨🤪如今呢條傾斜鐵道成為咗受歡迎嘅觀光名勝，尤其春天鐵道兩側櫻花綻放，為京都帶來獨特美景🤍 2. 鴨川河畔 鴨川可以話係京都嘅命脈，豐富水資源代表住京都繁榮景象😄你可以選擇喺河邊感受清涼微風，亦可以喺在四條大橋附近欣賞大環境～ 3. 祇園白川 以往嘅祇園係知名花街，有各種藝妓表演，街景亦古色古香，非常適合穿著和服嚟賞櫻👘而且夜晚會有點燈活動，恍如置身動畫之中😍 4. 嵐山小火車 嵐山係京都著名地標，包含渡月橋、中之島公園、天龍寺、竹林小徑等景點，吸引海量遊客前往欣賞自然美景😚尤其係春秋季節~乘搭小火車更加可以穿梭樹木，欣賞其他地方睇唔到嘅溪流美景🌳🌳🌳 5. 平安神宮 平安神宮係1895年為咗平復因遷都東京落寞嘅京都市民而建立嘅，神宮內種植咗隨風擺動嘅垂柳櫻，充滿詩意⛩️ 6. 清水寺 清水寺內約有1500棵櫻花樹，置身櫻花樹間往外眺望俯瞰都一樣咁靚，令人心曠神怡☺️晚上更有點燈活動，可以欣賞燈光打在櫻花上的美景🥳 7. 哲學之道 一條從銀閣寺往南延伸約1.8公里嘅散步小徑， 據說京都大學嘅哲學家西田機太郎會經常小路散步思考～🤔🤔🤔 8. 醍醐寺 醍醐寺喺每年4月第2個星期日都會舉辦櫻花祭典，並舉辦賞花大會，以紀念豐臣秀吉於1598年喺當地種植咗700棵櫻花樹🌸係十分熱門嘅著名賞櫻地，亦係世界遺產！ Tips：以上有四個景點非常之近，可以一日去晒！欣賞滿滿櫻花嘅日本Trip就係咁輕鬆😍 想睇更多日本知識或者旅遊攻略，記住follow我～ 圖片/資料來源: Japan Heritage The Lake Biwa Canal, http://gion-yoisakura.com, sp.jorudan.co.jp, sagano-kanko.co.jp, 平安神宮X, Travel Japan - 日本官方指南, 京都市旅遊指南官網 #日本之旅#日本好去處#旅行打卡#日本神社#日本食玩瞓#日本旅遊攻略#日本旅遊攻略2024#日本之行#日本櫻花#日本櫻花2024#京都旅遊攻略#京都賞櫻#京都攻略