檳城篇：最貼地的市場

今趟檳城之行，瓹窿瓹罅去左食左好多地道美食，好聽一句叫做深度遊，難聽啲講就係窮遊。 窮唔窮遊其實無乜所謂，最緊要自己enjoy。 七條路巴剎是規模比較大既local market，在那裡消費的，多半是當地人，因此物價是十分便宜的。 整個市場有幾十個檔口，咖喱麵、雲吞麵、粿條湯，以至各式甜點應有盡有，絕對是美食集中地。 晨早到來，先吃碗咖喱麵，麵底用上油麵最岩我，水魷、豬紅及豆卜等配料查實都是配角，因為重點是那辣醬，真的很刺激，邊吃邊流鼻水。 可能大家都知道，在馬來西亞食腸粉，可以揀捲起 (即係香港食到咁)或者拆開的，個人習慣吃捲起的。腸粉是滑的，亮點始終是甜醬辣醬，畢竟吃腸粉就是要混醬。 咖啡為番港紙三蚊，黑漆漆深不見底的，但味道完全唔覺得澀，喝罷精神爽利。 早餐也想吃點甜，冷糕是我的目標之一。咬落外脆而餡料香甜，呢度仲可以加埋粟米粒，合胃口。 最後都食埋色彩繽紛的娘惹糕，口感唔錯，至少唔黏牙。 #檳城 #窮遊 #求好旅友 (此文章由U Blog 同步發佈至社群)