韓式小店🇰🇷價錢親民服務好

喺福華街呢頭都有唔少餐廳，今次嚟呢度試吓呢間家庭style嘅韓式小店！成間餐廳以藍白色調為主，睇落好舒服😌入面堂食座位唔多，加上簡約裝修同友善嘅店員，真係有家的感覺🥰牆身嘅裝飾都好啱打卡～好多野都好有心思！ 原味煎雞蛋卷 嗌咗個二人餐，入面有三款餐品，第一款就揀煎雞蛋卷🥚正正常常不過不失，如果再熱啲就更好🤔 厚切五花腩芝士泡菜拉麵 上菜嘅時候見到好多大大塊五花腩圍繞中間隻生蛋，攪勻佢嘅時候發現生蛋下面全部都係芝士🥹所以絕對足料！咁大舊五花腩店員都好細心問我地使唔使剪開佢，不過食落都唔係好硬好韌所以OK！ 韓式炸雞配甜辣醬（半份） 要熱夠熱，要脆夠脆🤭係炸得幾好食🤤不過個醬就唔係好辣！OK！ 套餐仲有兩罐罐裝飲品，識嗌梗係嗌啲韓國飲品試試😤二人餐有上面幾樣野，都係$228！所以總括嚟講係唔貴！ 要特別講吓嗰日兩個店員真係超級友善同好服務🥺本身係嗌咗炒粉絲，但係見到泡菜拉麵好吸引就反口想要拉麵，佢地即刻嗌入廚房話粉絲轉拉麵，搞到我都有啲唔好意思🥹又會問使唔使剪開五花腩，天氣轉涼見我地凍凍地就畀唔凍嘅野飲我地🥺搭吓訕傾吓偈，真係好warm好心動嗚嗚🥲喺香港呢個生活節奏咁急速嘅地方遇到呢啲咁友善嘅服務真係好touched🥹 🇰🇷 沛 MW Korea House 📍 深水埗福華街178A號地舖 #攻略#社群時間囊 #社群相聚 #生活足跡 #2023日常 #熱門菜式 #食咗先講 #香港美食 #打卡美食挑戰 #hkfoodie