[深圳遊］超受歡迎的親子酒店 Hard Rock Hotel

岩岩有朋友問我Hard Rock Hotel評價🎸📝 覆完佢之後, 就不如同大家分享埋啦~~ Hard Rock Hotel Shenzhen 在福田坐4號綫直達. 到步後上五樓check in, 等既時候小朋友仲有免費雪條食添~ Hard Rock Hotel 係國際五星酒店, 對佢當然有期望, 我都住過唔少次數既國內酒店, 住完Hard Rock, 我覺得佢真心唔錯!! 尤其帶埋小朋友, 真係好岩家庭客!! 佢地理位置在深圳龍華區, 有深圳地鐵直達, 一出站隔離就係酒店, 方便到一個點!! 而且對面有大型商場「#觀瀾湖新城 MH MALL」, 行10分鐘就係 #卡魯冰雪世界、#觀瀾湖生態公園, 一家大細玩個兩日一夜/三日兩夜都唔怕悶! 👨‍👩‍👧‍👦我地預訂既係最普通的雙床款 一入酒店房間, 空間感很好~~ 浴室大到不得了!!!! 窗口望出去就係觀瀾湖高爾夫球場 好開揚好舒服~~😍 🛁巨大圓型的浴缸超級吸引眼球 真係兩個小朋友一齊玩水都仲好闊落XD 另一邊仲有獨立坐廁、獨立沖洗間. 枕頭、床墊舒適, 比大部份國內酒店優勝! 🎸🎼Hard Rock酒店當然是行音樂創意裝潢~ 由門口到大堂到電梯到每一層的小角落都有著音樂元素!! 地下還有一間Rock Shop搖滾商店, 岩晒音樂粉絲~ 佢係2017年開業 唔算最新, 但硬件上我覺得佢保養都幾好. 房間、餐廳、兒童遊戲室、gym room都好新淨, 室外泳池偏細, 比較少人用既天台花園就保養一般般啦. 第二天早上我地仲享用埋早餐 自助早餐好有驚喜! 真心性價比超高! 同香港五星酒店有得揮~ 值得加購早餐! 另一篇再講XD ↘️↘️↘️ Hard Rock Hotel Shenzhen 📍深圳龍華區, 觀瀾高爾夫大道9號 -——∽-★-∽——∽-★-∽——— #深圳親子遊 #深圳 #觀瀾湖 #龍華區 #深圳硬石酒店 #HardRockHotelShenzhen #深圳好去處 #週末好去處 #mrskan_travel #親子旅行 #親子blogger #打卡 #打卡景點#全民打卡企劃