上環【鮨政Sushi Masa】無可挑剔的高質壽司店

平時食高質壽司, 都會選擇去食omakase, 感覺用料高質一d, 但價錢相對貴。朋友帶咗我去上環一間壽司店, 有omakase選擇, 仲設有多款壽司、刺身、日本料理供散點, 可以自選喜歡食嘅款式, 同時又食到omakase用料質素嘅食材。 餐廳面積不大, 設吧檯座位, 又有table seat。 款式選擇多, 亦有預設壽司拼盤、前菜、小食等…選擇比起連鎖壽司店多。 【壽司併盤】HK$400 包含了六款壽司、一款卷物, 每款刺身都好厚切, 手握壽司飯力度恰到好處, 每啖都能滿足口感。 三文魚壽司: 雖然不是腩位, 但依然富有魚香。 吞拿魚壽司: 魚質嫩滑, keep到本身鮮味肉汁。 油甘魚壽司: 味道甘香鮮味, 毫不帶酸。 甜蝦壽司: 選用肥美甜蝦, 仲要打孖上放於每件壽司上, creamy有鮮甜味。 帆立貝壽司: 超肥美, 鮮甜無比。 蔥吞拿魚腩壽司: 口感綿密, 食到吞拿魚腩嘅魚油, 蔥粒平衡魚油, 又帶點清香。 加州卷: 飯卷卷住了小小牛油果、生菜、蟹柳, 再配上蟹籽, 整件入口, 很有層次, 食到爽脆生菜同埋蟹柳鮮甜。 【三文魚腩壽司】HK$42 散點壽司同樣冇偷工減料, 刺身厚切之餘, 魚腩位置更為嫩滑, 充滿魚油香, 大愛!! 【火炙三文魚】HK$38 只於表面輕輕火灸, 帶出些少魚油, 保留三文魚刺身嘅口感, 食起黎唔會覺得口感柴。 【三文魚牛油果卷】HK$48 飯卷中有少少生菜同埋牛油果, 面層疊上厚切三文魚, 爽脆、綿密口感在口中交締, 清爽同時又有三文魚魚香, 正! 【軟殼蟹卷】HK$48 軟殼蟹佔卷物比較多, 上面有少少蟹籽, 令鬆脆口感更為突出, 香口。 【鰻魚飯】HK$148 鰻魚帶淡淡焦香, 甜中帶少少鹹嘅鰻魚汁平均包住每件鰻魚, 鰻魚冇骨, 啖啖肉食得放心, 魚質偏林有鰻魚香, 魚皮較爽, 而飯底有少少鰻魚汁同埋蛋絲, 食落唔覺寡。 還跟一個味噌湯, 唔會太鹹, 濃度剛好, 而且有好多海帶。 . 鮨政Sushi Masa 上環 蘇杭街105號地舖 . 其他平台: Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/keresawong She.com: https://blog.she.com/keresawong/ 小紅書: https://www.xiaohongshu.com/user/profile/5b230759e8ac2b524de93a5e ESDlife: http://wow.esdlife.com/keresawong Weibo: http://weibo.com/keresawong #香港 #上環 #hongkong #美食推介 #香港人 #香港美食 #hkblogger #foodie #hkfoodie #美食分享 #食評家 #香港食評 #hk #上環必食 (此文章由U Blog 同步發佈至社群)