世記咖啡 南灣店 獨家美食

世紀咖啡南灣店位於南灣湖旁邊，認住麥當勞轉個彎就到。地面唔大，雖然都係名店，但比起氹仔官也街嗰間舖永遠遊客大排長龍，呢度主要幫襯嘅都係附近嘅本地打工仔。餐廳有兩層，下層似傳統冰室，舊式嘅水吧、舊式快餐店可口可樂嘅燈箱宣傳相，好有懷舊feel。而閣樓就完全唔同，純白簡約嘅設計，似新式cafe，仲可以望到南灣湖景。 食物都唔其他店唔同，豬扒包係氹仔店獨家，而極邪惡嘅雞扒厚蛋芝士菠蘿包就係南灣店獨家。另外雜錦牛茄汁炒通粉，都好超級好味，材料豐富，必食厚蛋，好似食返細個香港茶餐廳茄汁燴意粉嘅味道。薯仔粒乾肉醬飯，係澳門風味葡國特色菜之一，香港食唔到呢個味道。甜品奶醬多士塊，用有稀杰度調教得剛剛好嘅奶醬包住香脆厚多士塊，外面再裹滿威化餅碎，食到幸福嘅感覺。 #澳門必食 #澳門打卡 #UCreator#求好旅友 #寵物大晒#以油養膚#想飛賞飛#社群有辦髮