好味又抵食越式料理💕😋

筲箕灣·越南老街 ⁡ 呢間小店位於比較隱蔽位置 都係朋友介紹睇map先識去🤭 估唔到係一間幾好食 價錢又唔貴嘅越式餐廳 真係高手在民間 已經俾我bookmark咗下回再去😎😎 ⁡ 佢有個晚市二人套餐幾抵食‼️ 但都驚食唔曬浪費野食 所以都係單叫🤧 ⁡ 碳燒豬頸肉配扎肉撈檬🐷 大大碗撈檬 加入炸蒜粒+炸乾䓤片+芫茜+🥕蘿蔔絲+白蘿蔔絲等 最緊要加入咗酸甜香口越式碌冧汁 食落開胃清新 檬粉又夠爽滑💕 而碳燒豬頸肉燒得剛剛好 仲會有少少燶邊 肉味重又多汁 帶少許甜味 扎肉幾有肉感 而且煎過 食落夠香口👍🏻😃 ⁡ 生牛肉湯河粉🐮 湯河香料好足 滿滿泰式風味✨ 碗內本身已有洋蔥/芫荽等香料 細心附上青檸+辣椒🌶️+香葉🌱 加少少入河粉 個湯底味道即時提昇 生牛肉牛味香濃 肉質鮮嫩不韌👍🏻 河粉夠滑同較粗身 食完唔會有口渴感覺😉 ⁡ 素菜米紙卷🌯 以透明米紙包裹住豐富蔬菜 十分吸引 卷皮透薄煙韌配搭蔬菜🥬爽脆口感 整道菜輕盈而清爽 展現越南菜特色 加埋酸甜碌冧汁 作為開胃菜不俗👌🏻 ⁡ 墨魚粟米餅🌽🦑 墨魚粟米餅外皮少脆入面內嫩 墨魚幾彈牙鮮香 加埋粟米的甜味相互融合 配上泰式辣醬 味道出眾有層次😋 ⁡ ☆~*~★~*~☆~*~★~*~ ☆~*~★~*~☆ #香港美食#港島美食#筲箕灣 搵食地點🥢： @yuenanlaojie_ 📍 越南老街 (筲箕灣) 筲箕灣南安街93號鯉景大廈地下A號舖 #美食推介#香港餐廳#香港好去處#越南美食#越南料理#越南菜#越式#越式料理#越式河粉#越式牛肉河粉#生牛肉河粉#UCreator#打卡美食#求好旅友#想飛賞飛